Үөһээ Бүлүү улууһугар кулун тутар 28 күнүгэр «Үс хоһуун» авторскай программаҕа эбии үөрэхтээһин буолан ааста. Манна уопсайа 17 Физкультура инструктордара, иитээччилэр кэлэн кыттыыны ыллылар, элбэххэ үөрэннилэр, бэйэлэрэ эмиэ оонньоон программа оскуола иннинээҕи саастаах ону тэҥэ алын сүһүөх оҕолоругар сөптөөҕүн эттэринэн-хааннарынан билэн бардылар.
Михайлов Александр Михайлович 1 №-дээх «Ньургуһун» уһуйаан инструктора наартаны ыстаныы быраабылатын билистэ. Семенов Никита Валентинович ыаллыы сытар 4 №-дээх «Сардаана» уһуйаан физкультураҕа инструктора оонньоон көрдө, интэриэһиргээтэ, сөбүлээтэ.
Кыттааччылар оонньуу быраабылаларын кытта билистилэр, көрдүлэр, кытыннылар. Дүлүҥ үрдүгэр турааһын, дүлүҥү сүүрдүү, көтөх ынаҕы туруор – былыргы сахалыы оонньуулар. Манна ким кыахтааҕа, дьаныардааҕа быһаарыллар.
Кучарова Евгения Васильевна,
сүрүн иитээччи МБДОУ «ЦРР-детский сад №7 «Сказка»
Андреевскай, Үөһээ Бүлүү улууһа,
Программа автора
