Кулун тутар 15 күнүгэр Үөһээ Бүлүүгэ Ньурба улууһун 11 оҕо уһуйааныттан барыта 12 киһи кэлэн үөрэнэн, сэргэхсийэн, элбэҕи ылынан бардылар. Программа автордара үлэлэрин сиһилии кэпсээн, быһааран биэрдилэр. Сахалыы төрүт хамсаныылары сэргэ Хотугу многоборьеттан эрчиллиилэри туһаналларын кэпсээтилэр, ону сэргэ улуус иһинэн, региональнай уонна республиканскай таһымнаах күрэхтэри ыыталларын Ньурбалар сэргээтилэр. Сахалыы оонньуулар оҕо төгүрүччү сайдарын таһынан чөл туругу, бэйэни көрүнэн улааталларыгар төһүү күүс буолар.
Программаҕа киирбит илбинии, уннаҥнааһын, тыыныы уһуйаан үлэһиттэрэ күннэтэ оҕолорго тутталларын, үөрэтэллэрин туһунан үрдүк категориялаах иитээччи Софронова Татьяна Ильинична сиһилии кэпсээтэ, көрдөрдө.
Билиҥҥи сайдыылаах кэмҥэ, көмпүүтэр, сотовай телефон үйэтигэр оҕолорбут төрөөбүт тылларын умна быһыытыйдылар. Ол эрэн, уһуйаантан саҕалаан оҕо билиилээх-көрүүлээх буоларын туһугар иитээччилэр уонна уһуйааччылар араас хайысхалаах үлэлэри ыытабыт. Онтон төрөппүт оҕотун нууччалыы кудуххайдык саҥарыа, бары өттүнэн сайдыылаах буолуо диэн санаанан салайтаран, нууччалыы саҥарарын таһынан английскайдыы кытта саҥарарын биһирииллэрэ кистэл буолбатах. Итинэн сиэттэрэн оҕолорбут сахалыы да, нууччалыы да, английскайдыы да сатаан толкуйдаабат, санааларын толору этиммэт дьон буола тахсалларын билиҥҥи төрөппүт үчүгэйдик өйдүү илик. Ханнык баҕарар киһи төрүт өйүн-санаатын кыайан эппэтэҕинэ, дьоҥҥо тиэрдэр кыаҕа суох буоллаҕына, куутуйаланан, санаата хараастан муунтуйан барар. Төрүт саҥатынан санаатын толору этинэр эрэ буоллаҕына, билиитэ-көрүүтэ кэҥиир кыахтанар диэн, үлэтин уопутуттан Сомоҕо — Домох туһунан ыалдьыттарга билиһиннэрдэ, оонньотто үрдүк категориялаах иитээччибит Васильева Сардаана Захаровна.
Хотугу двоеборье күрэҕэр ыаллыы сытар улууспутуттан кэлэн кыттан барбыт Кэскил уонна Антоновкаттан Ромашка уһуйааннарга сэмэй бэлэхпитин туттардыбыт. Үс хоһуун программаҕа рецензия суруйбут Ньурбачаан уһуйаанын инструкторыгар Сидоров Степан Гаврильевичка эмиэ махтанныбыт.
Кэлэн үөрэнэн барбыттарга Программабытын биэрдбит, ону кытта Республиканскай севернай троеборье диэн биһиги уһуйаан ыытар күрэхпит балаһыанньатын туттардыбыт.
Кучарова Евгения Васильевна,
сүрүн иитээччи МБДОУ «ЦРР-детский сад №7 «Сказка» Андреевскай, Үөһээ Бүлүү улууһа
